"വരമ്പ്"!!!
======
നീ അറിഞ്ഞോ പൂവേ,
നീ അറിഞ്ഞോ പൂവേ
എന് മനസ്സില് പൂ വിരിഞ്ഞൊരു-
കാരിയം നീ അറിഞ്ഞോ?!
നീ അറിഞ്ഞോ പൂവേ
ഞാന് ഇന്നൊരുവളെ കണ്ടൂ;
കണ്ണുകൊണ്ടോരു കെണി എറിഞ്ഞതാ-
കണ്ണിലൊന്നു കൊണ്ടു;
കറുത്തിട്ടല്ലവള് പൂവേ
വെളു-വെളുത്തിട്ടാണവള് പൂവേ.
അടുത്തുനിന്നാല് കറുത്തു പോകും
വെളുത്തവാവും പൂവേ.
പാടവരമ്പത്തൂടെ-
അവളോടി നടന്ന നേരം
പാറി വന്നൊരു പൈന്കിളി -
ഒരു പാട്ടു പാടി പൂവേ.
നീ അറിഞ്ഞോ പൂവേ
ഞാനിന്നുമവളെ കണ്ടു
കുളക്കടവില് കുളികഴിഞ്ഞ്-
മടങ്ങിവന്ന നേരം.
ഞാന് ചൊന്നൊരു കാര്യം;
ആ കാറ്റു പറഞ്ഞ നേരം;
കാമിനിയവള് കാലുകൊണ്ടൊരു-
കളം വരച്ചു പൂവേ.
കാട്ടു കൂവള പൂവേ
പൊന് ചിങ്ങ മാസം വന്നേ,
തോഴിയവളെ താലികെട്ടി,
കൂടെ കൂട്ടി ഞാനേ.
മാമലയുടെ മുകളില്
മൂവന്തി മുറുക്കും നേരം,
മാമടിയില് കണ്മണിയവള്;
മയങ്ങുകയാ പൂവേ.
മാറി നില്ക് പൂവേ...
നീ മാറി നില്ക് പൂവേ...
No comments:
Post a Comment