ഒഴുകുന്ന പുഴ ,അലയുന്ന കാറ്റ്
തിളങ്ങുന്ന തിരച്ചാര്ത്ത് .
മണലൊഴിഞ്ഞ നദിക്കരയില്
ഇലകൊഴിഞ്ഞ മരങ്ങളില് വിസ്മയം .
ഉണക്ക മരച്ചില്ലകളില്
നിറയെ വെളുത്ത പൂക്കള്
വിടര്ന്നു ചിരിച്ചും , വാടിയും
മൊട്ടുപോല് കൂമ്പിയും .
വെയിലിറങ്ങുന്ന വെള്ളത്തില്
പരല് മീനുകള് , മിന്നലാട്ടങ്ങള് .
പൊഴിഞ്ഞു വീഴുന്ന വെണ്മലരുകള്
അകന്നു മാറുന്ന അലകള് .
വിസ്മയം !
വിശപ്പാറ്റി ചിറകു കൊട്ടി
തിരിച്ചു കയറുന്ന പൂക്കള്
ചിറകു വിടര്ത്തി ചിരിക്കുന്നു .
നേരുപോല് നേരിയ കാലൂന്നി
വെയില് കായും കൊറ്റികള് .
-Lipi