"വിധി"!.
=====
അയാള്
പുഴകടന്നു വരികയാണെന്നു-
തോന്നുന്നു.
മുടി നനഞ്ഞിട്ടുണ്ട്.
പൊട്ടു മാഞ്ഞിരിക്കുന്നു .
ഉടുമുണ്ട് കുതിര്ന്നിരിക്കുന്നു.
കൊരുത്തു തൂക്കിയ രുദ്രാക്ഷങ്ങളില്
ഉപ്പ് പറ്റിയിരിക്കുന്നു.
നന്നേ മെലിഞ്ഞുണങ്ങിയ ,
പേശികള് വലിഞ്ഞു നില്ക്കുന്നു.
അരക്കെട്ടില് തിരുകിയ കത്തിയില്
ഇപ്പൊഴും ചോര മാഞ്ഞിട്ടില്ല.
കിതപ്പുണ്ട് നെഞ്ചില്.
ഉള്ളിലിപ്പൊഴും ചൂടുമുണ്ട്.
കണ്ണില് തീയും.
കൈകളില് വിറയുമുണ്ട് .
തുള്ളിയുറ്റുന്ന താടിയും
ചുവന്നു പൊങ്ങിയ
മീശരോമങ്ങളും.
ചെര്ന്നു മൊഴിഞ്ഞു; "വിധി"!.
"നാടു മുടിക്കാനായ്
പിറന്നൊരെണ്ണത്തെ
ഞാനങ്ങു കൊന്നൂ."
അയാള് നടന്നകന്നു.
പിറകെ അഴിഞ്ഞു വീണ,
മുടിനാരു പോലെ .
അറുത്തെറിഞ്ഞ മണല് പറ്റിയ,
ഒരു പൂണൂലും .
No comments:
Post a Comment