"ഒരു രാത്രി സഞ്ചാരം"
==================
വാനിലൊരമ്പിളി മിന്നല് പിണരെടുത്ത്
പല്ലിനിടയില് കുത്തുന്നു.
എന്തോ ചെറുത് തുപ്പിക്കൊണ്ട്
പല്ലിളിച്ച് ചിരിച്ചു.
അകലത്തായ്
വൃണങ്ങളില് നിന്നു പുഴുക്കളെ
അടര്ത്തി മാറ്റുമ്പോള്
വേദനകൊണ്ട് പുളഞ്ഞ്
കരയുന്ന കുന്നുകളുടെ
അലര്ച്ച കേള്ക്കാം.
ഇത്രയും നേരം
കുടപിടിച്ചു കൂടെനടന്ന
കറുത്ത മേഘം
ആകെ നനച്ചിട്ടെങ്ങോട്ട് പോയി?!
മഴ നനഞ്ഞ്
തിരിച്ചു നടക്കുമ്പോള്
മുളങ്കാടിന്റെ
രണ്ടാമത്തെ വളവ് തിരിഞ്ഞതും
നല്ല സുഗന്ധം പരന്നു
അടുത്തെവിടെയൊ
മലമുകളില്
ഒരു പുഴ വിരിഞ്ഞിട്ടുണ്ട്.
-Lipi
No comments:
Post a Comment