"മിന്നാമിനുങ്ങ്"
=========
സന്ധ്യ ചുവന്നു-
കരിഞ്ഞു വീണ ഒരു
ഇരുട്ടില് ,
ചെറിയൊരു,
വേനല്മഴയ്ക്കു ശേഷം
തൊടിയിലെ പുളിമരക്കൊമ്പുകളില്
നിറയെ കുഞ്ഞുനക്ഷത്രങ്ങള് പൂത്തു.
ആകെ നനഞ്ഞ തെന്നല്
വിറച്ചുകൊണ്ട്-
മണ്ണില് ഉമ്മവച്ചപ്പോള്
"അവ" ചില്ലകളില് നിന്ന്
ചില്ലകളിലേക്ക്
തെന്നിമാറിക്കൊണ്ടിരുന്നു.
ഉള്ളില്
ഒരു നുറുങ്ങ് "വെട്ടം"
ഓര്മ്മകളില് നിന്നും
ഓര്മ്മകളിലേക്ക്
അരിച്ചിറങ്ങുകയായിരുന്നു.
No comments:
Post a Comment