കാറും കോളും

പ്രണയമുണ്ടായിരിക്കാം
പകലുപോൽ പരന്നു നാം
പറന്ന വഴികളിൽ .

കനവുകൾ കൊണ്ടായിരിക്കാം
മുറിവുകൾ മായാതെ
ഉണങ്ങാതെ ഇങ്ങനെ .

പെണ്ണൊരു  കാറ്റാണ്
മുടി അഴിച്ചിട്ട കാറ്റ് .
പ്രണയം ചിലപ്പോഴൊക്കെ
കാലം തെറ്റി പെയ്യുന്ന മഴയും  .

                                              -Lipi

ഉദയം !!!

പൂ വിരിഞ്ഞു .
പുഴ വിരിഞ്ഞു .
പുലരികൾ ,
പൂത്തുലഞ്ഞു .

പുൽനാമ്പുകളിൽ .
പൂവിട്ട -
കിരണങ്ങൾ .
പൂമ്പാറ്റകളായ് -

പറന്നുയർന്നു ..

                                  -Lipi
                              

അർദ്ധ വിരാമം!!

കടലാസിനോട് 

പ്രണയം 

പറയും മുൻപേ 

പേന 

ചോര വാർന്നു 

മരിച്ചു .

                                     -Lipi 

"മരങ്ങൾ "!!

"മരങ്ങൾ "

=========

നമ്മൾ ഒരു മരമാണ്.
മനസ്സുകളിൽ വേരുകൾ  ആഴ്ത്തുന്ന മരം.

വേരുകളിൽ തണുത്ത ഓർമ്മകളുടെ 

നനവ് പടരുമ്പോൾ

ചുണ്ടിൽ  പൂക്കൾ 

വിരിയുന്ന മരം.

കണ്ണിൽ മുത്ത്‌ കായ്ക്കുന്ന മരം. 

                                                -Lipi

ജയം !

ജയം !
=====

തോൽക്കുമ്പോൾ നീ എൻറെ  ചിതക്കപ്പുറം കരയുകയായിരിക്കും.
ജയിക്കുമ്പോൾ എനിക്കിപ്പുറം കനലുകൾ എരിഞ്ഞടങ്ങിയിരിക്കും.
                                       
                                                                                                                          -Lipi

ആഞ്ഞിലി .!

ആഞ്ഞിലി .!
==========

അള്ളി പിടിച്ചിരുന്ന കല്ലും മണ്ണും
നെഞ്ചോടു ചേർത്ത് , മാനം  നോക്കി മലർന്നു വീഴുമ്പോഴും-
അവന് ഉറപ്പായിരുന്നു .

കണ്ണാരം പൊത്തി കളിച്ചപ്പോ,
കാറ്റിന് കാലിടറിയതാവും .
അല്ലാതെ അവനെന്നോട് എന്ത് ദേഷ്യം ?!

                                                                                         -Lipi

ക്ഷണികം

അറിയാത്തതെന്തോ എവിടെയോ നീറും
നോവായ്‌ മാറുന്നു പ്രണയം .

എത്രയോ പകലുകള്‍ തളര്‍ന്നു മയങ്ങും തീരം
അജ്ഞാതമേതോ സ്വകാര്യം.

ഒരു മയില്‍ പീലി തുണ്ടാലെഴുതിയ മിഴികള്‍
മഞ്ഞില്‍ വിരിഞ്ഞൊരു
മണിമുല്ല പൊട്ടിച്ചിരിക്കുന്ന  മൊഴികള്‍ .

ഉള്ളിലെന്നോളങ്ങള്‍  കൊത്തി  പറക്കുന്നു
ചിറകുള്ള പാട്ടിന്‍റെ  വരികള്‍ .

മുത്തായ് മാറുന്നു കണ്ണീര്‍ തുള്ളികള്‍
ഓര്‍ത്തു ഞാന്‍ കോര്‍ത്തെടുക്കുമ്പോള്‍ .

ഇട നെഞ്ച് തഴുകുന്ന തെന്നല്‍
മൗനം തുടിക്കുന്ന തിങ്കള്‍ .

                                                              -Lipi